Bakaikuko Etxea izen bereko herrian kokatua dago, Sakana eskualdearen erdian, eta Aralar, Urbasa eta Andia aldeko mendiek inguraturik. Bertatik abiatuta, era guztietako txangoak eta ibilaldiak egin ditzake bisitariak Sakana inguruko mendietan zein barruko lautada samurretan, kirola egiteko leku apartak ere aurkituko ditu (pilotalekuak, igerilekuak, piraguak, zaldiz ibiltzeko aukera, spa gunea bost minutura, eta abar) eta, oro har, naturaz gozatzeko aukera ezin hobea izango du.